Нұрсұлтан Назарбаев: «Ең үздік кәмпиттер – Қостанайда!»
2016 жылғы 23 қыркүйекте Елбасы «Баян Сұлу» АҚ-ң жаңа бисквиттік цехының аумағында Қостанай облысының өнеркәсіптік кәсіпорындарының жетекшілерімен кездесті. Осы кездесудің аясында Нұрсұлтан Әбішұлына кәсіпорынның басым жобалары мен дайын өнімдері көрсетілді.
Ол «Баян Сұлу» АҚ қызметкерлерінің кәсіпқойлылығын жоғары бағалады, сондай-ақ соңғы онжылдық ішінде компанияның қарқынды дамуға деген ұмтылысын ерекше атап өтті.
Нұрсұлтан Әбішұлы компаниямыздың алдағы уақытта дамуына ерекше серпін берді және біз соған жетуге бар күш-жігерімізді саламыз және Президенттің «Ең үздік кәмпиттер – Қостанайда!» деген сөздерін дәлелдеуге тырысамыз.