«Баян Сұлу» кондитерлік өнімдердің экспортында көш бастап келе жатыр
Қазақстандағы кондитер өнімдерін шығаратын жетекші кәсіпорындардың бірі жақында 50 жылдық мерейтойын атап өтпек
Тимур Садықов, «Баян Сұлу» АҚ Басқарма Төрағасы – Президенті
ФОТОСУРЕТ: «Баян Сұлу» мұрағаты
Отандық бизнеске тиесілі қазақстандық кондитерлік фабрикалардың қалған соңғы «үлкен үштігінің» («Рахат» фабрикасы Оңтүстік Кореяның LOTTE Confectionery кондитерлік компаниясына тиесілі, ал «Қарағанды Кәмпиттері» фабрикасы 2016 жылдан бері жұмыс істемейді) бірі – «Баян Сұлу» компаниясының жағдайы туралы «Баян Сұлу» АҚ Басқарма төрағасы – президенті Тимур Садықов айтып берді.
Қазақстандық кондитерлік өнеркәсіп 200-ге жуық кәсіпорыннан тұрады. Олардың ішіндегі ең ірілерінің бірі – «Баян Сұлу» келесі жылы 50 жылдығын атап өтеді. Фабрика 1974 жылы желтоқсанда пайдалануға берілді. Бүгінгі таңда компания мыңдаған қазақстандықтарды тұрақты жұмыспен қамтамасыз ете отырып, қазақстандық кондитерлік өнімдер экспорты бойынша көш бастауда. «Баян сұлу» экономиканың крахмал-сірне, сүт, май-тоңмай, қант және жеміс-көкөніс сияқты салаларының өсуіне де ықпал етеді. Фабрика 2 топқа бөлінетін кондитерлік өнімдерді: қантты (карамель, драже, кәмпиттер, шоколад, мармелад, зефир) және ұннан жасалған өнімдерді (печенье, вафлялары) өндіреді әрі сатып өткізеді. Өнімнің ассортимент желісі 300-ден астам атауды қамтиды. Бүгінгі таңда кәсіпорында 1500-ден астам қызметкер жұмыс істейді, зауыт жылына 85 000 тоннаға жуық өнім өндіре алады.
«Баян Сұлу» – Қазақстандағы ең ірі өндірушілердің бірі, ҚР-дағы кондитерлік өнімдердің жалпы өндірісінің 21,5% -н алады. Жергілікті және импорттық өнімдер арасындағы кондитерлік өнімдер нарығының үлесі 8,6% құрайды. Бүгінгі таңда, біздің өнімдер Қазақстанның барлық өңірлерінде сатылуда», – деп атап өтті Тимур Садықов.
«Баян Сұлу» фабрикасы
«Баян Сұлу» басым міндеттерінің бірі – қызметкерлер үшін жағдайды жақсарту, процестерді автоматтандыру. Компания қызметкерлерге қамқорлық жасайды: емдеу жәрдемақысы, тегін көлік, төмендетілген құны бойынша тамақтану, қазақстандық және шетелдік техникалық жоғары оқу орындарында кәсіпорын есебінен біліктілікті арттыру және оқу мүмкіндігі. Фабрика жетекші еуропалық өндірушілер ұсынған жабдықтарын үнемі жаңартып отырады, кондитерлік өнімдердің жаңа технологияларын енгізеді, форс-мажорларға жедел әрекет етеді.
«Баян Сұлу» өндірісі
«Қалыптасқан геосаяси жағдайға байланысты, біздің ресейлік жеткізушілеріміз қажетті қаптама материалдарын бере алмаған кезде, біз Nestle және Turkish Airlines сияқты клиенттермен жұмыс істейтін, Түркияның ең көне Yilpar қаптау фабрикасымен жұмыс істей бастағаннан кейін, туындаған мәселенің шешімін тез таптық», – дейді Садықов.
Өндіру және сату көлемінің өсуін басқара отырып, шығындарды бақылай отырып және нарықтың өз сегментінде белсенді әрекет ете отырып, 2022 жылы «Баян Сұлу» тамаша нәтижелерге қол жеткізді: шоғырландырылған түсім 46,6 млрд теңгені құрады, өндіріс көлемі 9,5%-ға, сату көлемі 18%-ға, экспорт көлемі 11,4%-ға өсті, 880 млн теңгеден астам сомаға өндірісті жаңарту және кеңейту бойынша инвестициялық жобалар іске асырылды.
Мұндай саясат өнімнің сапасы мен өндіріс тиімділігін жақсартуға, жаңа нарықтарды іздеуге және бірегей өнімдерді шығаруға мүмкіндік береді. Компания COVID-19 және Украинадағықақтығыс сияқты дағдарыстардың және экономикалық белгісіздікке қарамай, одан әрі дами берді. Жаһандық инфляцияға және әлемдік нарықтағы болжанбайтын өзгерістерге байланысты сын-қатерлерге қарамастан, 2022 жылы «Баян Сұлу» қызметкерлердің жалақысы үш есе өсті. Жұмысшылардың орташа айлық жалақысы 90%-ға өсті (орташа – 290 000 теңге)
«Жалақыны көтеру, жұмысшылардың өмір сүру деңгейін жақсартатын және оларды ынталандыратын маңызды қадам. «Баян Сұлу» зауытында бұл шара басқа да тәжірибелермен сүйемелденеді: еңбек жағдайларын жетілдіру және персоналдың біліктілігін арттыру. Бізде әртүрлі буын өкілдері жұмыс істейді», – дейді Садықов.
Шаповаловтар отбасы әулеті
«Баян Сұлу» үшін тағы бір перспективалы бағыт – Қазақстанда және көрші елдерде осындай тауарларға өсіп келе жатқан сұранысқа жауап ретінде халал өнімдерінің экспорты. Компания халал өнімдері үстемдік ететін және халқы 75 миллионнан астам адамды құрайтын Орталық Азия нарықтарына белсенді түрде шығуда.
Сонымен қатар, зауыт Таяу Шығыс, Қытай және Оңтүстік-Шығыс Азия нарықтарындағы әлеуетті мүмкіндіктерді зерттейді. «Баян Сұлу» әлемнің 13 еліне өнім экспорттайды. «Баян Сұлу» өнімі экспортының үлесі – 37,4%. Компания кондитерлік өнімдердің экспортында көшбасшы орынды сақтап қалуға ниетті.
«Баян Сұлу» фитнес өнімдерін (ZlaXS дәнді батончиктері) қоса алғанда, әртүрлі және инновациялық ассортиментімен танымал. Компанияның жоғары технологиялық зертханасы мен маркетинг бөлімі тұтынушылардың өзгеріп отыратын тенденциялары мен талғамдарын үнемі қадағалап отырады. Өткен жылы зауыт Choco&Milk шоколадты кәмпиттерін, «Мега Жержаңғақ» вафлилерін, «Козинак» және Peanuts&Caramel кәмпиттерін таныстырды. Биыл «Баян Сұлу» энергетикалық менеджмент стандарттарын сақтай отырып, электр, газ және су шығындарын азайта отырып, «Бота» балаларына арналған өнімдер желісін кеңейтуде.
«Баян Сұлу» әртүрлі өңірлер мен елдердегі тұтынушылардың сұраныстарын тыңдайды, World Food, InterFood және «ПРОДЭКСПО» сияқты халықаралық көрмелерге үнемі қатысады.
«Баян Сұлу» түрлі байланыс арналарын, соның ішінде интернет пен әлеуметтік желілерді пайдаланады. Зауыт американдық Nielsen компаниясымен жұмыс істейді (күнделікті тауарлар индустриясындағы маркетингтік өлшеулер). Қазақстан бойынша фирмалық дүкендерде дәм тату өткізіледі, Астана, Ақтөбе, Алматы және Қостанайда дүкендер ашылды.
«Біз отандық компания ретінде еліміздің болашағына инвестиция саламыз. «Баян Сұлу» – «Жанұя» балалар үйінің демеушісі, «Мектепке жол» бағдарламасына қатысады. Мұқтаж жандарға көмек көрсетудің басқа да жобалары бар. Біз қазақстандық шахмат федерациясының серіктестеріміз, конькимен жүгіру спортынан Қазақстан құрамасының және Бибісары Асаубаева қорының шахмат турнирінің демеушілеріміз, UFC жауынгері Шавкат Рахмоновқа қолдау көрсеттік, тіпті онымен бірге Айқын және Аргони орындауындағы Zhol әніне клип түсірдік», – дейді Садықов.
Шавкат Рахмонов және «Баян Сұлу» шоколад кәмпиттері
2023 жылы компания өзінің сайтын жаңартты, өндірістегі мазмұнды Instagram желісінде үнемі бөлісіп отырады, бұл әлеуетті инвесторлардың қызығушылығын тудыратын өндіріс процесінің ашықтығын қамтамасыз етеді. «Баян Сұлу» фабрикасы өзін ұзақ мерзімді перспективамен сенімді және тұрақты дамып келе жатқан бизнес ретінде көрсетті.
«Біз кеңейіп жатырмыз: біздің фабрика үшін әбден жаңа өнімдер, мысалы, шоколад-жаңғақ пастасы, сондай-ақ жалпы қазақстандық өндірушілерге ғана тән бисквит өнімдерін өндіру жоспарлануда», – деп бөлісті компанияның жоспарларымен Садықов.
Қазақстандық «Баян Сұлу» кондитерлік өнімдерін өндіруші дамып келеді. Компания жаңа нарықтарды белсенді түрде іздейді және бірегей өнімдерді шығаруды жоспарлап отыр. «Баян Сұлу» қазақстандықтарды көп жылдық тарихы бар өз өнімдерімен қамтамасыз етуге және жаңа дәм сезімдерін ұсынуға тырысатын болады.